Кыргызтасмасы мамлекеттик киноборбору 14–16-апрель күндөрү Москва шаарында өтүп жаткан эл аралык телевизиондук жана санарип контент рыногунда кыргыз киносуна арналган улуттук стендин ачты. Бул иш-чара медиа индустриясынын эң маанилүү жана таасирдүү кесиптик аянтчаларынын бири болуп саналат.

Кыргызстандын стендинде улуттук кинематографиянын акыркы жетишкендиктерин чагылдырган төмөнкү тасмалар сунушталды:

«Бейиш 2. Апама кат» режиссёру Руслан Акун
«Туткун» режиссёру Темир Бирназаров
«Акыркы дем» режиссёру Автандил Батырбеков
«Кыял» режиссёру Бакыт Осмонканов
«Кара, Кызы, Сары» режиссёру Актан Арым Кубат

Ошондой эле, иштелип чыгуу баскычындагы келечектүү долбоорлор да эл аралык аудиторияга тааныштырылды:

«Жусуп» режиссёр: Таалайбек Кулмендеев
«Жез кемпир» режиссёр: Ильгиз Куватбек жана Шамил Бекбосун уулу
«Маңкурт» сценарист: Эрке Джумакматова
«Таранчиев» режиссёр: Нурланбек Камчыбеков
«Обертоны» режиссёр: Айгүл Баканова

Кыргызстандын бул эл аралык рынокко катышуусу улуттук кинематографияны дүйнөлүк деңгээлде жайылтууга, чет өлкөлүк өнөктөштөр менен кызматташууну кеңейтүүгө, тасмаларды эл аралык платформаларга чыгарууга жана жаңы дистрибьюторлорду тартууга өбөлгө түзөт.