Москвада 24–28-ноябрь күндөрү өтө турган Евразия кино сыйлыгы «Бриллиантовая бабочка» өзүнүн расмий программасына Кыргызстанда тартылган үч фильмди кабыл алды. Евразия кинематографиялык искусстволор академиясынын эксперттик кеңеши тарабынан «Качкын» жана «Марска учкан кыргыздар» фильмдери сыйлыктын негизги конкурстук программасына тандалып алынды. Кино сыйлыктын расмий түрдө тапшыруу аземи 27-ноябрда өтөт. «Качкын» жана «Марска учкан кыргыздар» тасмаларынын жаратуучулары расмий аземге катышат.

Ошондой эле «Апаңды бийге чакыр» көркөм тасмасы кино сыйлыктын атайын көрсөтүүлөр программасына киргизилип, конкурстук эмес, көркөм көрсөтүүлөрдүн бир бөлүгү катары көрүүчүлөргө сунушталат.

Иш-чаранын уюштуруучулары катышуучулар үчүн бардык расмий программалар боюнча логистикалык шарттарды камсыздоону пландаштырууда.