Мемлекеттик мекеме «Кыргызтасмасы» Кыргыз Республикасынын кинопродюсерлери менен жолугушуу өткөрдү.

Бул иш-чараны «Кыргызтасмасы» мекемесинин директору Түлөкеев А.Т. демилгелеп, уюштуруучу катары жеке өзү активдүү катышып, жолугушуунун жүрүшүн жетектеп турду.

Жолугушууда кыргыз киноиндустриясынын учурдагы абалы, тармактагы көйгөйлөр жана жетишкен ийгиликтер тууралуу ачык жана мазмундуу талкуу жүрдү. Продюсерлер өздөрүнүн пикирлерин, сунуштарын жана көйгөйлөрүн түз айтып, реалдуу кырдаалды ортого салууга мүмкүнчүлүк алышты.

Ошондой эле, кыргыз фильмдеринин чет өлкөлүк прокатын уюштуруу, эл аралык кинофестивалдарга катышуу жана улуттук тасмаларды дүйнөлүк рынокко чыгаруу маселелери өзгөчө көңүл чордонунда болду.

Жолугушууга келген бардык конокторго ыраазычылык билдиребиз. Иш-чара кинотармактагы мамлекет менен кесипкөйлөрдүн ортосундагы тыгыз кызматташуунун ачык аянтчасы болду.

«Кыргызтасмасы» мекемеси мындай түз диалогторду мындан ары да улантып, улуттук кинематографияны өнүктүрүү үчүн биргелешкен аракеттерди колдоону улантат.