2025-жылдын 8–9-10-август күндөрү Бишкек шаарында Кыргыз Республикасы менен Татарстан Республикасынын маданий кызматташтыгынын алкагында Татарстан кино күндөрү ийгиликтүү өттү.

Үч күн бою «Ала-Тоо» кинотеатрында татар элинин маданиятын чагылдырган мыкты тасмалары көрсөтүлдү:

• режиссёр Рауф Кубаевдин «Немая кукушка»
• режиссёр Салават Юзеевдин «Гора влюблённых»
• режиссёр Булат Сабитовдун «Я приду»

Ар бир тасма көрүүчү тарабынан жылуу кабыл алынып, бардык көрсөтүүлөр аншлаг менен өттү. Көрсөтүүдөн кийин, тасмалардын башкы каармандары менен чыгармачыл жолугушуулар уюштурулду. «Немая кукушка» тасмасынын башкы каарманы, Татарстан Республикасынын эл артисти Саида Мухаметзянова. «Гора влюблённых» тасмасынын башкы каарманы Эльза Каримова.

Иш-чара Кыргыз Республикасынын Маданият, маалымат жана жаштар саясаты министрлигинин Кинематография департаменти менен Татарстан Республикасынын Кинематография департаментинин кызматташуусунда, Т. Океев атындагы Улуттук киностудиясынын жана «Ала-Тоо» кинотеатрынын колдоосу менен өткөрүлдү.

Ачылыш аземине Кыргыз Республикасынын Маданият, маалымат жана жаштар саясаты министрлигинин Кинематография департаментинин директору — Адамалиев Улан Айылчиевич жана «Кыргызтасмасы» Мамлекеттик кино борборунун директору — Тулекеев Алмаз Токтогазыевич катышты.

«Кыргызтасмасы мамлекеттик киноборбору» Т. Океев атындагы Улуттук киностудиясына жана «Ала-Тоо» кинотеатрына иш-чараны өткөрүүгө кошкон олуттуу салымы жана колдоосу үчүн терең ыраазычылык билдиришет.